Flori, fitues i Videofestit 2013

Videoklipi i këngës “Pa jetë” nën interpretimin e këngëtarit nga Shqipëria, Flori Mumajesi, është fituese e edicionit të 10-të të Videofestit muzikor.
Organizimi kishte ndryshime nga herat e kaluara. Pas parakalimit në tapetin e kuq, ku dalloheshin këngëtaret tona me dukjen e tyre glamuroze, më pas ishte radha për ndarjen e çmimeve.

Salla “1 Tetori” ishte e mbushur nga fytyrat prominente, të cilat u argëtuan ashtu sikurse të gjithë shqiptarët nga performanca të ndryshme dhe nga një prezantim i shkëlqyer i udhëhequr nga Benet Kaqi.

Grupi “Marigona” iu rikthye skenës duke perfomuar një prej këngëve të reja, teksa performancë të zjarrtë bënë edhe Adrian Gaxha dhe Floriani që kënduan hitin e tyre “Ngjyra e Kuqe” bashkë me këngën e re “Kjo Zemër”.

Vlen të përmendet se Kaos performuan premierë këngën e tyre të re “Hajde a po Dalim”, teksa Ardian Bujupi tregoi pse është një shkallë më lart se sa këngëtarët tjerë të zhanrit pop, me një paraqitje skenike të nivelit ndërkombëtar. Asnjë prej performancave nuk ishte e drejtpërdrejt (live), por ‘playback’.

I kthehemi çmimeve. Best Male u rrëmbye nga Flori me videoklipin e këngës “Pa Jetë”, teksa Max Production dominoi edhe në kategorinë Best RnB ku Elvana Gjata dhe 2po2 rrëmbyen çmimin e videoklipit më të mirë.

Best Female, për performancën më të mirë femërore sigurisht s fitoi favoritja Tuna me videoklipin “I Asaj”, teksa bashkëpunimi më i mirë i takoi Norës dhe Bim Bimmas me këngën “Gangsta”, përkundër faktit se aty ishte edhe videoklipi i këngës “Beso” që u prit ta fitonte këtë çmim. Edhe regjia më e mirë i takoi këngës “Gangsta”.

Entermedia, për dallim nga edicionet e kaluara, kësaj radhe u vlerësua lart nga Videofesti. Super produksioni nga Kosova u shpërblye me jo më pak se gjashtë çmime, duke treguar primatin në tregun e videove muzikore bashk me Max Production nga Shqipëria.

Videoklipi më i mirë Hip Hop i shkoi MC Kreshës dhe këngës “Cok Guzel”, teksa grupi më i mirë ishte “Kaos” me këngën “Ngoje Zemrën Tem.

Dominancën e tij me cmimin e tretë dhe më të madh atë të videoklipit më të mirë të vitit e vendosi këngëtari dhe producenti Flori, me këngën “Pa Jetë” të realizuar nga Max Production.

Videofesti muzikor 2013

Best Group - Kaos (Ngoje Zemrën Tem)
Best Featuring – Nora ft. Bim Bimma (Gangsta)
Best Rap Hip Hop – MC Kresha (Cok Guzel)
Best Male – Flori (Pa Jetë)
Best Rock – Na (Jam zgjuar)
Best RnB – Elvana Gjata ft. 2po2 (Beso)
Best New Artist – Neki Emra (Të vdes apo të Pres)
Best Pop – Dafina Zeqiri (Bloodah)
Best Female – Tuna (I asaj)
Best Directing (Regjia) – Nora ft. BimBimma (Gangsta)
Best Dance – Adrian Gaxha ft. Floriani (Ngjyra e Kuqe)
Best Pop Folk – Ermal Fejzullahu ft. Gena (Ajo)
Best Promo – Vesa Luma (24 orë)
Best Styling – Jeohna Sopi (Unë do t’i laj këmishat e tua)
Për karrierën e tyre u shpërblyen Fisnikët
Best Balad – Flori (Pa Jetë)
Best Duet – Elvana Gjata ft. 2po2 (Beso)
Best Performance – Tuna (I Asaj)
Best Video – Flori (Pa Jetë)